فضاؤك الخاص لتكتشف نفسك وتبني ثقتك.

“بعدما كنت كنشوف رأسي أقل من أي واحد، لا في الشكل ولا في الذكاء ولا في أي حاجة، وكنت كنحس برأسي منبوذ، ما دايرش قيمة لراسي، هادشي كان كيخليني نحتقر رأسي، وما كانش عندي شخصية ولا ثقة بنفسي في مرة. مع حصصك ونصائحك ليا كوتش هند، بأننا كإنسان تخلقنا أقوياء وأذكياء، وبأن هادشي كامل مجرد أفكار سلبية في عقلنا الباطن وخاصنا نتخلصو منها، وعطيتيني طرق فعالة طبقتها حرفيا وكانت نتائج رائعة. بفضلك أستاذة ولات عندي ثقة في نفسي أكثر.. شكرا شكرا لك 🤍”

“بغيت أستاذة هند نشكرك بزااف على المساعدة ديالك، عرفتي نقطة تحول كبيرة من بعدما كنت في واحد القوقعة سادة على رأسي، مكنتش كنهدر، حتى مبقيتش كنعرف نهدر، زيد عليها نفسيتي كانت محطمة، هديك الفترة كانت أسوأ فترة في حياتي، لكن من بعد ما هادوك الحصص لدرت معاك، شوية بشوية بديت كنخرج من ديك القوقعة، لكن دبا مبقيتش كنسكت 😂، وليت كنهدر مع العائلة كنضحك مع الناس، هاذ التغيير لاحظوه كاع الناس لي قراب ليا. بغيت نقول لك شكرا بزاف بزاف 😘”

“أنا أم محمد بغيت نقوليك شكراا بزاف كوتش هند على مجهوداتك مع ولدي و تعاملك الغزاال،من الحصص الأولى معاك مبقاش كيتأتأ في الهدرة ،حتى التبول اللارادي نقص عنده بزااف ،وكان قبل ميقدرش اجلس بوحده في الدار أو الظلام ،دبا و لا كيبقا رأسه و مكيخافش و اقدر انعس في بيته بوحده ،الشكر لله على هاذ التقدم الكبير،شكراا لك مرة أخرى”